Qiraja dhe energjia kanë përparësi në buxhetin familjar! Pagesa e qirasë është më e rëndësishme se sa shlyerja e borxheve – edhe nëse zyra e mbledhjes së borxheve bën presion. Borxhet e qirasë rrezikojnë ekzistencën tuaj; në fund të fundit, mund t´ju çojnë në dëbim të detyruar dhe në pastrehësi! Për interesin tuaj, kujdesuni që qiraja dhe energjia të paguhen rregullisht.
Vendosni një urdhër – pagesë të përhershme tek banka juaj ose kerkoni që shpenzimet e banesës të transferohen direkt nga qendra e punës (Jobcenter) ose zyra e mirëqenies sociale në llogarinë e qiradhënësit tuaj.
Kur rrezokohet ndërprerja e menjëhershëm i
kontratës për shkak të borxheve të qirasë?
Kontrata e banesës suaj mund të ndërpritet nga një ditë në tjetrën, sapo borxhet e qirase të kalojnë shumën e 2 qirave „me të gjitha shpenzimet“ (qira aktuale plus kostot e shërbimeve shtesë: dritat, uji etj.). E drejta për të ndërprerë kontratën pa afat ekziston edhe atëherë kur bor-hi është më i madh për dy muaj radhazi se një qira mujore (me të gjitha shpenzimet shtesë).
Qiraja duhet të ketë hyrë në llogarinë e qiradhënësit ose qiradhënëses deri në ditën e tretë (ditët e punës) të muajit aktual. Po ashtu, edhe për shkak të disa kërkesave shtesë nga llogaritjet e kostove të shërbimeve shtesë, mund t‘ju ndërpritet kontrata pa afat.
A duhet të ketë ndërprerja e kontratës një formë të caktuar?
Ndërprerja e kontratës së banesës duhet të bëhet me shkrim. Letra e ndërprerjes së kontratës duhet t’i dërgohet të gjithë qiramarrësve, përveç kësaj, duhet të specifikohet arsyeja e ndërprerjes së Kontratës (p.sh., “ndërprerje e kontratës pa afat për shkak të borxhit të qirasë në shumën prej …”).
Ndërprerja e kontratës pa afat e përfundon kontratën e qirasë me efekt të menjëhershëm, përveç rasteve kur në letrën e largimit është caktuar një afat. Nëse banesa vazhdon të përdoret pas kësaj, duhet të paguhet një kompensim përdorimi të paktën sa shuma e qirasë së mëparshme.
Ndonjëherë ndërprerja e kontratës bëhet pa afat dhe njëkohësisht me afat (= në mënyrë të zakonshme). Nëse paguhen borxhet e qirasë, ndërprerja me afat mbetet e vlefshme dhe ju duhet të largoheni nëse qiradhënësi insiston.
Ndërprerja e kontratës pa afat për shkak të mungesës së depozitës?
Për kontratat e qirasë nga maji 2013 e tutje, ndërprerja e kontratës pa afat është gjithashtu e mundur për arsye të mospagesës së depozitës, nëse ka një borxh të paktën prej 2 qirave (pa shpenzimet shtesë). Shuma e depozitës nuk duhet të kalojë shumën e 3 qirave mujore (pa shpenzimet shtesë).
Ju mund ta paguani depozitën në 3 këste (brenda 3 muajve të parë).
Shembull
Kontrata e qirasë fillon me 1 janar. Qiraja është 500 €. Depozita është e kufizuar në maksimum
1.500 € dhe mund të paguhet në 3 këste prej 500 € (shtesë mbi qiranë) nga janari deri në mars. Nëse këstet për muajt shkurt dhe mars nuk paguhen, mund t’ju ndërpritet kontrata pa afat.
Ndërprerje e kontratës me afat (ndërprerja e zakonshme e kontratës)
Kujdes: Më lart është shpjeguar sa i lartë duhet të jetë i borxhi i qirasë që të lejohet ndërprerja e kontratës të banesës pa afat. Ky limit nuk vlen këtu.
Nëse në të kaluarën keni paguar qiranë në mënyrë të parregullt, me vonesë ose vetëm pjesërisht, qiradhënësi mund t’ju ndërpreje kontratën në mënyrë të zakonshme. Juve ju jepet një datë kur përfundon kontrata e qirasë.
Si mund të shmangni ndërprejen e kontratës?
Nëse nuk mund ta paguani më qiranë me kohë, duhet të informoni menjëherë qiradhënësin tuaj. Gjithmonë shpjegojani pse nuk mund të paguani përkohësisht. Shumë qiradhënës kanë mirëkuptim dhe i shtyjnë pagesat kur ju i paraqisni një perspektivë pagese.
Shembuj
Aplikoni për ndihmë finanziare për qira, organizoni nënqira (nëse pronari ose pronarja është dakord). Nëse prapambetja tuaj e pagesë së qirasë ka arritur tashmë „kufirin kritik“ prej 2 qirave mujore (ose më shumë se një qira mujore nga 2 muaj të njëpasnjëshëm) dhe ju arrini ta shlyeni plotësisht prapambetjen para se të bëhet ndërprerja e kontratës me shkrim, atëherë nuk mund t´jua ndërpresin kontratën pa afat.
Burimet e parave mund të jenë: huamarrje nga punëdhënësi, ndihmë nga të afërmit, hua nga zyra e sigurimit të banesës (pranë zyrës së shërbimeve sociale).
Çfarë të bëni në rast të ndërprerjes së kontratës dhe padi për lirim të banesës?
Nëse qiradhënësi juaj ka ngritur padi për lirim në gjykatë, rrezikohet vendimi për lirim dhe në fund pastrehësia. Prandaj, kontaktoni menjëherë me administratën sociale (p.sh., zyra e sigurimit të banesës) të qytetit ose të rrethit tuaj. Kërkoni që ata të marrin përsipër borxhet e qirasë si një kredi. Baza ligjore është § 36 Kodi Social XII. Zyra do të shqyrtojë nëse mund ta paguani në të ardhmen përsëri qiranë vetë dhe nëse shuma e qirasë është e përshtatshme (kur merrni ndihma sociale).
Nëse merrni ndihmë sociale, informoni qendrën e punës për padinë e lirimit. Kërkoni që ata të marrin përsipër borxhet e qirasë si një kredi (përsëri nëse është e nevojshme). Baza ligjore është § 22 par. 8 Kodi Social II. Për kthimin e kredisë do të mbahen 5% nga shuma e ndihmës sociale që do të merrni në të ardhmen (§ 42 a par. 2 Kodi Social II).
Kujdes: Informoni gjykatën dhe qiradhënësin tuaj se keni kërkuar që borxhet e qirasë të merren përsipër. Gjithmonë përmendni numrin e çështjes së padisë për lirim. Përgjigjuni të gjitha kërkesave të gjykatës në kohë! Me marrjen përsipër të borxheve të qirasë në kohë (pra, kur bëhet pagesa e plotë e borxhit dhe kompensimi për përdorimin), ndërprerja e kontratës pa afat bëhet e pavlefshme dhe kontrata e vjetër e qirasë rikthehet në fuqi.
Nëse e shlyeni vetë borxhin, ju lutemi vini re: Nëse kontrata e qirasë është ndërprerë në mënyrë të zakonshme, kjo ndërprerje mbetet në fuqi edhe pas shlyerjes së borxhit. Në këtë rast, duhet të arrini një marrëveshje të re me qiradhënësin tuaj. Nëse nuk arrihet një marrëveshje e re, ju duhet të largoheni nga banesa.
Kujdes: Pagesa (ose deklarata e zyrës se borxhet e qirasë do të merren përsipër) duhet të ketë arritur te qiradhënësi brenda 2 muajve! Ky afat fillon kur juve ju dorëzohet padia për lirim. Nëse zyra refuzon të marrë përsipër borxhet e qirasë, mund të bëni ankesë kundër vendimit të refuzimit. Në rastin e ndonjë mosmarrëveshjeje, duhet të konsultoheni me një zyrë për këshillim social ose zyrë këshillimi për borxhe, ose të merrni këshilla ligjore (me një kupon këshillimi -Beratunghilfeschein).
Padi për lirim me depozitë sigurie
Qiradhënësi juaj mund të kërkojë njëkohësisht me padinë për lirim, që ju duhet të ofroni siguri për të siguruar kompensim të vazhdueshëm për përdorim (pra, të depozitoni para ose të siguroni një garanci). Nëse nuk përmbushni këtë kërkesë të gjykatës, lirimi i banesës tuaj mund të realizohet shumë shpejt me një urdhër të përkohshëm.
Çfarë mund të bëni nëse vendimi i dëbimit ekziston tashmë?
Nëse keni nevojë për kohë për të gjetur një banesë të re, duhet të kërkoni një afat të arsyeshëm për lirim në gjykatë. Afati i lirimit (zakonisht si fillim 3 muaj) mund të zgjatet nga gjykata me kërkesën tuaj të bërë në kohë (2 javë para përfundimit të afatit).
Lirimi i detyruar nga gjykata me ndihmën e një kompanie transporti dhe një shërbimi të çelësave duhet të parandalohet, pasi kostot (të cilat duhet të mbulohen fillimisht nga qiradhënësi) janë të larta. Shumë qiradhënës janë të gatshëm të diskutojnë edhe tani dhe të respektojnë një largim vullnetar. Mund të jepet gjithashtu vetëm një urdhër për t’ju larguar ju (dhe bashkëjetuesit tuaj) nga banesa. Mobiljet tuaja i ruan vetë qiradhënësi (për të kursyer kostot).
Sendet me vlerë mund të shiten me ankand pas një muaji. Sendet pa vlerë shkatërrohen (kjo vlen edhe për dokumentet tuaja personale!). Megjithatë, ju keni të drejtë t’i merrni sendet tuaja (të pakonfiskueshme) dhe dokumentet personale brenda atij muaji. Nuk duhet të paguani për këtë!
Nëse situata juaj është përmirësuar (p.sh., një vend i ri pune), disa qiradhënës janë të gatshëm të pezullojnë lirimin dhe ta “provojnë përsëri me ju”. Edhe tani, zyra mund të marrë përsipër borxhet e qirasë dhe të hapë rrugën për një kontratë të re qiraje.
