Çfarë të bëni në rast të një konfiskim të llogarisë?
Keni borxhe? Nuk mund t’i paguani këto borxhe? Atëherë, llogaria juaj mund të konfiskohet!
Kujdes!
Një konfiskim i llogarisë është i mundur edhe
- nëse në llogarinë tuaj hyn vetëm ndihma sociale (Bürgergeld), ndihma e strehimit (Wohngeld) ose ndihma për fëmijë (Kindergeld)
- nëse paga juaj është tashmë e konfiskuar!
E rëndësishme: Nëse keni një llogari të zakonshme, asgjë në llogarinë tuaj nuk është e mbrojtur. Banka juaj duhet t’i transferojë gjithçka kreditorit brenda një muaji! Kjo vlen edhe për të gjitha pagesat që normalisht nuk duhet të konfiskohen si ndihma sociale (Bürgergeld), ndihma e strehimit (Wohngeld) ose ndihma për fëmijë (Kindergeld)! Vetëm nëse llogaria juaj është një Llogari Mbrojtëse ndaj Konfiskimit (Llogari P), mund t´i mbroni të ardhurat tuaja!
Çfarë mund të bëj nëse pres një konfiskim?
Ndryshoni llogarinë tuaj në një Llogari P. Është e drejta juaj! Nëse keni një Llogari P, keni automatikisht mbrojtje ndaj konfiskimit. Për të ndryshuar llogarine tuaj, duhet të bëni një kërkesë në bankën tuaj. Numri juaj i llogarisë nuk do të ndryshojë dhe tarifat e mbajtjes së llogarisë mbeten të njëjta.
Përjashtime:
- Një Llogari P është gjithmonë një llogari krediti. Nuk mund të mbitërhiqni limitin (paradhënie).
- Një Llogari P është gjithmonë një llogari individuale.
- Ju lejohet vetëm një Llogari P.
Edhe nëse llogaria është e mbitërhequr („në minus“), ju mund ta konvertoni llogarinë tuaj. Megjithatë, borxhet ndaj bankës suaj mbeten.
Llogaria ime nuk është një Llogari P dhe është konfiskuar. Çfarë mund të bëj?
Llogaria ime nuk është një Llogari P dhe është konfiskuar. Çfarë mund të bëj?
Atëherë, llogaria juaj do të jetë e bllokuar. Banka juaj nuk ka të drejtë t’ju paguajë para dhe as të kryejë transferime apo urdhër pagese të përhershme. Por paratë tuaja ende nuk janë të humbura! Banka duhet të presë një muaj për të parë nëse ju do ta konvertoni llogarinë në një Llogari P gjatë kësaj kohe. Prandaj, shkoni menjëherë në bankën tuaj dhe kërkoni konvertimin. Banka ka maksimalisht 3 ditë pune kohë për të krijuar Llogarinë P. Vetëm pas kësaj zbatohet mbrojtja ndaj bllokimit dhe atëherë mund të tërhiqni para.
Këshillë: Thuajini në sportel që duhet të dorëzoni menjëherë kërkesën për një Llogari P. Mos pranoni një takim për pas disa ditësh. Keni një llogari online? Atëherë, ka një formular online për krijimin e një Llogarie P.
Çfarë është e mbrojtur në Llogarinë time P – pra, nuk mund të konfiskohet?
1. Shuma e mbrojtur themelore
Nëse Llogaria P konfiskohet, janë për momentin automatikisht 1.560 € të mbrojtura, pra, nuk mund të konfiskohen (shuma e mbrojtur themelore).
Nëse gjatë muajit në llogari hyn një shumë më e vogël, mund të merrni vetëm atë shumë. Ju mund të dispononi mbi shumën e mbrojtur themelore edhe pas hyrjes së konfiskimeve, për shembull përmes transfertave dhe pagesave automatike. Nuk ka rëndësi lloji i të ardhurave (rroga, ndihmat sociale, kthimi i tatimeve etj.) apo koha kur fondet kanë hyrë në llogari.
Shënim: Shuma e mbrojtur themelore ndryshon çdo vit më 1 korrik.
2. Rritja e kufirit bazë për detyrimet e mirëmbajtjes
Kufiri bazë që jepet automatikisht mund të rritet nëse ju:
- jetoni me bashkëshortin ose bashkëshorten tuaj,
- jetoni me fëmijët tuaj,
- paguani pension për ushqim ose
- në llogarinë tuaj hyjnë pagesa për persona të tjerë (p.sh. partner/e, fëmijë njerkë). Kjo vlen vetëm nëse merrni ndihmë qytetari (Bürgergeld), ndihmë sociale ose përfitime për azilkërkues.
Në këtë rast vlejnë kufijtë e mëposhtëm:
- 2.145,23 € për një detyrim pensioni për ushqim
- 2.471,27 € për 2 detyrime pensioni për ushqim
- 2.797,31 € për 3 detyrime pensioni për ushqim
- 3.123,35 € për 4 detyrime pensioni për ushqim
- 3.449,39€ për 5 ose më shumë detyrime pensioni për ushqim
Këto kufij nuk vlejnë automatikisht. Duhet të paraqisni një vërtetim (shih më poshtë). Për më tepër, mund të përjashtohen nga konfiskimi si më poshtë:
- Ndihma për fëmijët (Kindergeld)
- Pagesa të njëhershme nga zyra e punës (Jobcenter) ose zyra e ndihmës sociale p.sh. mobilim i parë, ndihma për ekskursione shkollore dhe të tjera,
- Pagesa të veçanta për shkak të një sëmundjeje/aftësie të kufizuar, p.sh. ndihmë për kujdesin pleqërie, ndihmë për të verbrit dhe ndihma të ngjashme,
- Pagesa paraprake për mbështetjen e fëmijëve (Unterhaltsvorschuss)
- Pagesa të rregullta nga zra e punës ose zyra e ndihmës sociale, nëse këto janë më të larta se kufiri bazë ose kufiri i rritur,
- Ndihmat e Fondacionit Federal „Mutter und Kind“ dhe ndihma të tjera të ngjashme,
- Pagesa të prapambetura nga zya e punës (Jobcenter) ose zyra e ndihmës sociale në shumën e plotë,
- Pagesa të rregullta nga zyra e punës ose zyra e ndihmës sociale, që janë më të larta se kufiri që mund të vërtetohet,
- Pagesa të prapambetura nga përfitimet e tjera sociale (p.sh. pension, ndihma për papunësinë) ose pagesa të prapambetura deri në një shumë maksimale prej 500 €.
Dorëzojeni vërtetimin menjëherë në bankën tuaj. Mund të ndodhë që banka juaj të kërkojë çdo vit një vërtetim të ri.
Shembull:
Zonja A. dhe Zoti B. jetojnë së bashku. Në familje jeton edhe fëmija 10-vjeçar i Zonjës A. Familja jeton me 1.200 € pagë, 259 € ndihmë për fëmijë dhe 885 € ndihmë qytetari nga zyra e punës. Të gjitha pagesat kalojnë në llogarinë e Zonjës A., e cila tani është konfiskuar. Në total në llogari hyjnë çdo muaj 2.340 €. Zonja A. mund të vërtetojë 2 detyrime për pension ushqimi, pra 2.730,27
€. Pasi banka të marrë vërtetimin, të ardhurat janë të pakonfiskueshme. Nëse hyn një pagesë e prapambetur nga Jobcenter-i, kjo shumë mund të vërtetohet gjithashtu. Për Zonjën A. dhe Zoti
B. vërtetohen 2.730,27 € kufi + 400 € pagesë e prapambetur = 3.130,27 €.
Një vërtetim moster mund ta gjeni tek: www.schuldnerberatung-hessen.de/infoblaetter/p-konto_bescheinigung.pdf
Kush lëshon vërtetimin?
Zyrat e këshillimit për debitorët si qendra për insolventë, zyrat ligjore, organet që japin ndihma sociale dhe punëdhënësit mund të lëshojnë vërtetime.
Nëse nuk gjeni një institucion që lëshon vërtetimin në vendin tuaj, shkoni direkt në Gjykatën e Ekzekutimit (Gjykata Themelore e vendbanimit tuaj). Gjykata e Ekzekutimit do të caktojë kufirin bazë të rritur. Megjithatë, do t´ju pyesin se ku keni provuar të merrni një vërtetim pa sukses.
Por: Nëse një kreditor publik (p.sh. zyra e tatimeve ose arka e qytetit) bllokon llogarinë tuaj, duhet të drejtoheni tek zyra e ekzekutimit e tij ( jo tek Gjykata e Ekzekutimit), për të marrë vërtetimin aty.
Çfarë ju duhet për të aplikuar për certifikatë/përjashtim
Ju lutemi sillni dokumentet e mëposhtme:
• Dëshmi se kush jeton në shtëpinë tuaj
• Letërnjoftime, regjistra familjarë
(Certifikata e lindjes, martesës, etj. në Gjermani: „Familienstammbuch“)
• Nëse paguani Mbështetje monetare (mbështetje monetare për fëmijën, ose bashkëshortin/bashkëshorten) jashtë shtëpisë:
Dëshmi që ju duhet të paguani mirëmbajtje dhe dëshmi e pagesave që janë bërë (p.sh. fatura, historik bankar i pagesave)
• Dëshmi e pagesa paraprake për mbështetjen e Fëmijut
• Dëshmi e marrjes së përfitimeve për fëmijë (P.sh. Historik bankar)
• Njoftimet për përfitime të rregullta sociale (P.sh. të ardhura qytetare, përfitime të sigurimeve shoqërore)
• Njoftime për përfitime sociale njëherësh (P.sh. subvencione për ekskursione shkollore, pajisje fillestare)
• Dëshmi e pagesave të prapambetura
3. Mbrojtja nga konfiskimi tek të ardhurat më të larta
Ju nuk keni detyrime për pension ushqimi: të ardhurat tuaja janë më të larta se kufiri bazë ose
Ju keni detyrime për pension ushqimi dhe të ardhurat tuaja janë më të larta se kufiri bazë i rritur. Atëherë mund të kërkoni që t’ju lihet një kufi bazë më i lartë.
Shembull:
Zonja D. është beqare dhe fiton 2.200 €. Rroga e saj nuk është e konfiskuar. Kur kjo shumë kalon në llogarinë P të Zonjës D., banka mund t’i lëshojë vetëm kufirin bazë prej 1.560 €. Shuma e mbetur prej 640 € mund të konfiskohet. Zonja D. mund të kërkojë që në llogarinë e saj të konfiskohet vetëm ajo që do të konfiskohej nga paga tek punëdhënësi. Këtu zbatohet tabela e konfiskimit të pagave dhe nga paga mund të konfiskohen 451,5 €.
Nëse paga e Zonjës D. është konfiskuar tashmë, në llogarinë e saj do të kalojë vetëm pjesa e pakonfiskueshme. Zonja D. mund të kërkojë që në llogarinë e saj të mos konfiskohet asgjë më tepër. Kjo kërkesë duhet paraqitur në Gjykatën e Ekzekutimit.
Por edhe këtu vlen: nëse sekuestrimin e bën një kreditor publik, kërkesa duhet të paraqitet atje (shembull: sekuestrim nga zyra e tatimeve).
Informacione shtesë mund të gjeni në „Fletëinformacionin 5 – Konfiskimi i të Ardhurave“
Një kërkesë për mbrojtje të veçantë nga konfiskimi mund të bëni edhe nëse keni shpenzime të rregullta të larta, p.sh. kosto të larta udhëtimi për në punë ose shpenzime për sëmundje.
Këshillë: Shpesh nevojitet ndihmë për këtë proces. Kërkoni ndihmë në një zyrë këshillimi për debitorët në vendin tuaj.
Çfarë ndodh nëse llogaria ime është e mbitërhequr (në minus)? A mundet banka ime të mbajë para ose të tërheqë një këst kredie?
Në parim, banka juaj mund të mbajë para nëse është ndërprerë kontrata e paradhënies (në minus) dhe ju nuk keni një Llogari P.
Por nëse kërkoni shëndërrimin në një Llogari P, banka juaj duhet t’ju paguajë pjesën e pakonfiskueshme të të ardhurave tuaja (pra kufirin bazë ose kufirin e rritur të certifikuar).
Nëse i keni dhënë leje bankës për të tërhequr këstin e kredisë, mund ta tërhiqni këtë miratim. Atëherë bankës nuk do t´i lejohet më të tërheqë këstin e kredisë nga llogaria juaj.
Transferimi në muajin pasardhës
Nëse deri në fund të muajit nuk keni tërhequr ose transferuar pjesën e pakonfiskueshme të të ardhurave tuaja, shuma e mbetur nuk konfiskohet automatikisht. Shuma e mbetur transferohet deri në tre herë në muajin pasardhës dhe ju mund ta tërhiqni ose transferoni këtë shtesë mbi kufirin bazë të mbrojtur ose kufirin e rritur. Në muajin e tretë, duhet të keni shpenzuar të paktën shumën e transferuar. Pas kësaj, banka duhet të transferojë shumën tek kreditori që ka vendosur konfiskimin.
Këshillë: Kjo është një rregullore e ndërlikuar. Nëse doni ta keni më të thjeshtë për veten tuaj, tërhiqni çdo muaj në fund të muajit të gjithë kreditin (të hollat në llogari) e pakonfiskueshme.
A kushton llogaria P më shumë se llogaria ime aktuale?
Jo. Banka juaj nuk ka të drejtë të rrisë tarifat e mirëmbajtjes së llogarisë! Kjo ështe e vendosur nga gjykatat.
